Leicester ចុះហត្ថ​លេខា​ជាមួយ Evans ពី West Brom

ក្លិប  Leicester City បាន​ចុះហត្ថលេខា​ជាមួយ​នឹង​ខ្សែការពារ​អន្ដរជាតិ​អៀរ​ឡង់​ខាងជើង Jonny Evans ពី​ក្លិប West Bromwich Albion​ ក្នុងតម្លៃ៣លាន៥សែនផោន លើកិច្ចសន្យា៣ឆ្នាំ។ នេះ​បើ​តាម​ការ​ប្រកាស​របស់ក្លិប​ស្ថិត​ក្នុងក្របខ័ណ្ឌ Premier League មួយ​នេះកាល​ពីថ្ងៃ​សៅរ៍​។

អតីត​ខ្សែការពារ  Manchester Unitedរូបនេះ ផ្ទេរទៅ  West Brom កាលឆ្នាំ២០១៥ បង្ហាញខ្លួន៩៦ដង និង រកបាន៥គ្រាប់ក្នុងចំណោម៩៦ប្រកួត។

ខ្សែ​ការពារ​វ័យ ២៧ ឆ្នាំ​រូបនេះ នឹង​ចូលរួម​ជាមួយ​នឹងអតីត​មិត្ត​រួម​ក្រុម​ក្នុង​ក្លិប Man United របស់គេដែលរួម​មាន Darren Fletcher, James Chester និង Ben Foster នៅ​កីឡដ្ឋាន The Hawthorns​។

លោក Claude Puel អ្នកចាត់ការ Leicester និយាយថា Evans សម្បូរដោយបទ​ពិសោធនៅ Premier League ហើយនេះជារឿងដ៏អស្ចារ្យដែលក្រុមលោកអាចយករូបគេបាន។

ចំណែក Evans និយាយថា ទទួលសំណើពី Leicester ដោយមិនអល់អែកឡើយ ហើយនេះជាក្លិបប្រកបដោយមហិច្ឆតា និង មានអ្នកគាំទ្រដ៏អស្ចារ្យ៕